Llanwrtyd & District Heritage and Arts Centre

Follow

Croesi i Ganolfan Treftadaeth a Chelfyddydau Llanwrtyd a’r Cyffiniau.

Mae’r Ganolfan yn rhoi cyfle i ymwelwyr archwilio hanes y dref unigryw hon yng Nghanolbarth Cymru a chrwydro o gwmpas oriel gelf.

Mae’r ddau mewn Capel Cynulleidfaol o’r 19eg ganrif sydd wedi ei drawsnewid yn hyfryd.

Disgrifiwyd Llanwrtyd unwaith fel un oedd yn  “cynnwys bythynnod to gwellt un llawr gyda dwy ystafell a ffenest atig tua maint sbectol Mr Pickwick”.

Yna newidiodd ei ffawd yn ddirfawr wedi darganfod “ffynnon sylffwr orau’r deyrnas” – a dyfodiad y rheilffordd.

Ers hynny – am dros ddau gan mlynedd – mae’r dref wedi croesawu ymwelwyr.

Daethant i “gymryd y dyfroedd” a mwynhau atyniadau niferus y dref. Y dyddiau hyn, mae’n denu merlotwyr, cerddwyr a beicwyr mynydd.

Maent oll yn dod i brofi heddwch a thawelwch cefn gwlad.

Yn ddiweddarach, mae’r dref wedi dod yn enwog fel canolfan digwyddiadau chwaraeon anarferol.

Mae’r ganolfan yn ddibynnol ar roddion i’w chadw ar agor a gwerthfawrogir unrhyw gefnogaeth a wneir naill ai yn ystod eich ymweliad gydag arian parod neu gerdyn neu drwy ddefnyddio’r dudalen ‘Just Giving’ gan ddefnyddio’r botwm isod.

Follow

Mae arddangosiadau rhyngweithiol tu fewn i’r capel a addaswyd a moderneiddiwyd yn  rhagorol, yn dangos hanes y rhan hwn o Gymru a’r dref fel ardal dwristaidd bwysig pan oedd yn dref ffynhonnau.

Mae ymweld â Chanolfan Treftadaeth a Chelfyddydau Llanwrtyd a’r Ardal yn mynd â chi ar daith trwy hanes y dref fach hon a’r cyffiniau.

Cewch groeso cynnes a darganfod sut yr estynnwyd y croeso hwn i dwristiaid a theithwyr ers cyfnod maith.

Trwy gyfrwng mapiau rhyngweithiol gallwch weld twf cyflym y dref a darganfod mannau allweddol ei hanes.

Gallwch chwarae atgofion a recordiwyd gan drigolion lleol er mwyn cael mewnwelediad i fywyd dyddiol sydd nawr ar goll.

Gall ymwelwyr iau fod yn dditectifs wrth iddynt ‘Ddilyn y Broga’ i gwblhau cwis.

Os ydych wedi clywed am Lanwrtyd, mwy na thebyg rydych yn meddwl amdano fel cartref cystadleuaeth chwaraeon anarferol. Felly, beth am ddod i weld pam mae ymwelwyr o bedwar ban byd yn teithio yma i nofio mewn cors dywyll neu gwrso ceffyl ar draws cefn gwlad!